Новости 274 0 3 года назад

Резедә Сәләхова: «Артистка чәчәк күп бирәләр»

Резедә Сәләхова

Кечкенəдəн тиктормас бала булып үскəн Резедəнең энергиясе ташып тора.

Кечкенəдəн тиктормас бала булып үскəн Резедəнең энергиясе ташып тора. Яраткан Тинчурин театрында спектакльлəр уйный, Казан университетында татар филологиясе факультетында белем ала, əдəби спектакльлəр өчен инсценировкалар ясый ул. (Тинчурин театры шушы көннəрдə Разил Вəлиевнең автобиографик əсəрлəренə нигезлəнгəн «Язмышым юллары» спектаклен əзерли, инсценировкасы – Резедəнеке). Əле вакыт табып кул эшлəре белəн дə мавыга икəн. Резедəнең осталыгыннан үрнəк алып, үз кулларыгыз белəн искиткеч матур открытка ясагыз əле! Яңа ел бəйрəменə дусларыгызга менə дигəн бүлəк булыр!

«Мəктəптə дəреслəр тəмамлангач, башта музыка мəктəбенə (фортепьяно классы буенча белем ала идем), шуннан оста куллар түгəрəгенə чаба идем. Үз кулларым белəн уенчыклар тегү бик ошый иде. Əни: «Йөрмə, өлгермисең бит!» – дисə дə, мин үз сүземдə тордым: «музыкалка»га аның кадəр телəп бармасам да, тегүгə бик яратып йөрдем. Телəк булгач, вакыты да табылган инде. Ул чакларда тегелгəн уенчыкларны əни оныкларыма күрсəтəм, дип саклап тота».

«Шулай бервакыт кибеттə «Открытки ручной работы» дигəн витринага күзем төште. Карап чыктым да, мондый открыткаларны үзем дə ясый алам бит, дип уйладым. Өйгə кайткач, тегүгə йөргəн чактан калган барлык җеплəр, тасмалар, төймə-сəйлəннəремне өстəлгə чыгарып салдым да, иҗат итə башладым!»

«Беренче ясаган открыткамны əниемə бүлəк иткəн идем, Əнилəр көненə. Эченə шигыремне яздым. Бүлəгем əнигə бик ошады, баланың хезмəтен əнисеннəн дə югары бəялəүче юктыр инде ул! Əни мине үсендереп җибəрде. Əнилəр көненнəн соң озакламый туган көнем җитте. Əти ул көнне тəүлек буена эшкə китəргə тиеш иде. Иртə белəн уянсам, əнигə биргəн открыткам өстəлдə ята. Карасам, артына котлау, телəклəр язып, əти калдырып киткəн икəн! Беренче ясаган открыткам шуңа да кадерле».

«Кирəк булачак материалларны туплагач, открытканың идеясен уйларга, төслəрен сайларга тотынам. Тегелəй итеп бизəп карыйм, болай итеп төсен туры китереп карыйм, аннан күз иялəнгəч, барып чəй эчеп килəм, килгəч, «бəтəч, бу төс монда бөтенлəй килешми бит», дип тагын үзгəртеп куям. Гадəттə, эш эшлəгəндə «кызган чакта сугып калырга» тырышам, тик артык ашыгырга яратмыйм. Шулай озак уйлап бер фикергə килгəч кенə, бөтен элементларын ябыштырып, беркетеп, эшне тəмамлыйм».

«Кул эшлəре белəн шөгыльлəнү үзенə күрə бер рəхəтлек бирə, тынычландыра. Аннан соң, эшлəгəнеңнең нəтиҗəсен күрү – үзе бер шатлык бит! Күпмедер вакыт үтеп, эшлəремне карап утырганда, ничек булдырганмын икəн мин моны, дип, үз үземə гаҗəплəнеп, сокланып та куям».

«Открытка ясар өчен бер материалны да махсус сатып алмыйм, барысы да – кул астында булган əйберлəр. Артистка чəчəк күп бирəлəр: чəчəк бəйлəмнəре бизəлгəн тасмаларны, төсле кəгазьлəрне җыеп барам да, гадəттə, шуларны кулланам. Яңа елга бүлəк итеп дустыма бирəсе бу открытканы ясау артык кыен булмас, иң мөһиме йөрəк җылысын кушып эш итү. Мондый оригиналь бүлəкне «Киңəш казаны» укучылары да ошатыр, дип уйлыйм».

Яңа ел бүлəген ясар өчен җилем, кайчы, ак катыргы, юка кызыл тасма, чəчəк бəйлəменнəн калган яшел кəгазь, берничə алтын пайетка, кызыл йолдыз формасындагы пайетка кирəк булачак. Башта открытканың кызыл рамкасын ябыштырырга, аннан уртадагы аппликациясенə күчəргə. Чыршы өчен яшел кəгазьдəн 3 озынча өчпочмак ясап, аларны өстеөстенə ябыштырырга: болай итсəң, чыршы кабарып, матур булып торачак. Соңыннан чыршыны пайеткалар белəн бизəргə, тасмадан бант ясап, открытканың өске өлешенə беркетергə.

автор:Рания ЮНЫСОВА; источник:http://sahne.ru

Автор: Алия Гилачова

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>